雪兒天地: May 2005

Friday, May 20, 2005

春之戀

Monday, May 16, 2005

三天假期完畢

天氣報告

最後的一天假期也差不多完了, 好開心玩樂了三天. 唱足三日, haha. 真係唔想返工,明天又要開始工作, 要等成個星期先有得玩啦.

Thursday, May 12, 2005

命裡有時終須有, 命裡無時靠雙手

記得小時候聽Sam Hui隻歌"命裡有時終須有, 命裡無時莫強求".人長大了就會明白就會有所求.許多人在現實或網路世界裡尋找一些東西,這些東西說是容易找到,有些是不容易找,找到了又會好容易把它放棄.也許是生活就像釣魚一樣,不知每一天得到的甚麼樣子的魚,是好魚還是死魚.

Wednesday, May 11, 2005

我的二寶--- 小強 , BB

半年後再有一隻可愛的史立莎，它的性格不但與哥哥不同，　而且十分嗲人，依懶．而家不經不覺已6歲啦．

我的大寶--寶寶, BOBO

我的大寶叫做bobo,我養左佢已12年, 個樣好得意. 不過你估唔到佢係唔比人摸, 一摸就咬. 在一個月圓的晚上離家不返, 不經不覺經已失踪了6年半. 失踪時已經係12歲半.

Tuesday, May 10, 2005

忙的一天

今天因為塞車,唔夠時間坐下來嘆早餐, 買了一份簡單的三文治就算啦, 一邊吃一邊做.其實做兩份, 一邊睇股市, 一邊做order. 出單,fax,出order,print report. 真係好快就到食晏時間. 我並沒有主動約同事吃午餐, 反而喜歡自己一個清靜一下.

我買了份生果日報到茶樓嘆,的伙計都熟曬我啦.連我最喜歡飲咩茶都知道.午間一小時就此渡過,回公司繼續工作.我的坐位距離打印機都好遠,每次都要行一條小巷取紙,公司有20個同事共用一部打印機,我反映我很需要一個打印機自己用的,因為每次列印都好多. 大佬立刻幫我班左一部, 遲的搞埋winfax 就efficiency 得多. 但就無得話唔夠器材做得慢:( , 早知話多幾樣, 乜都應承. 大佬好鬼好人, 對我都算唔錯啦.:)

今日天氣:

Monday, May 09, 2005

黃色暴雨警告

今天冷氣好凍,可能下雨的關係.坐在辦公室都唔知天氣係乜,好采有個sidebar軟件,可以看到即時股市, 天氣, 新聞等等的報告.有興趣去下載,免費http://www.sidebar.com易用易學.

近排好喜歡唱某一歌手的歌, 好鍾意.調子輕快又容易上口. 有機會會錄下來放在網上供大家欣賞．記得去睇我音樂網看看.

Sunday, May 08, 2005

下雨天的母親節

一日起身，烏雲密佈，發出黃色暴雨警告．唉，難得有個星期日假期，落雨落到天黑，點去街喎．

我記得去年５月８日又係好大雨，　大雨到水浸人屋．後園的水滿到１吋高，將我房內的書浸曬．今年又係落雨，唔知出年５月８日又發生咩事呢？？？

都係同我隻小強(史立莎)沖涼先.

Friday, May 06, 2005

謀人寺

今晚全家人去了將軍澳南豐廣場一酒樓吃晚飯，點了個預祝母親節的套餐，真係差勁，菜淡而無味不特已，簡直不好吃．

比起我平時去間地道茶居，好食得很．需然係全是的士佬，食煙．但勝在平靚正．個謀人寺一於打交叉．下次要等到明年至再幫親．

Thursday, May 05, 2005

值得一讚有心思

今天去了一間餐廳吃午餐，發覺裡面裝潢，器皿都好特別．這間餐廳具有的特色是用木製的南瓜盛著你的午餐，好別緻．個南瓜的體積還大過個西瓜，你試想抱住個南瓜吃飯幾得意．

地點：通菜街登打士街橫街

尋尋寶吧！！！

Wednesday, May 04, 2005

笑話一則

今天扭開收音機才知道現在廣播新聞，有線，無線，亞線的高層全是浸會新聞糸畢業生，唔怪得好多時傳媒都係第一個打激政府的先頭步隊．唔講你唔知，　原來政府司級人馬多是港大畢業生．　

呢回真係浸會鬥港大，　hehehe!!!!

Tuesday, May 03, 2005

序

平凡見不平凡
積極進取
與我同進

雪兒天地